Şəhid Cavad Babayevin şəhadətinin 4-cü ildönümü anıldı

11 noyabr 2024-cü il tarixində Masallı rayonunun Qızılağac kəndində şəhid Babayev Cavad Gülverdi oğlunun şəhadətinin 4-cü ildönümü anılmışdır.
Şəhid Cavad Babayevin şəhadətə yüksəlməyinin 4-cü ildönümü ilə əlaqədar Masallı Rayon İcra Hakimiyyəti Başçısının tapşırığına əsasən Masallı Rayon İcra Hakimiyyəti Başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, aparatın İnformasiya təminatı və təhlil sektorunun müdiri Elvin Fəttayev, Qarabağ Müharibəsi Əlilləri, Veteranları və Şəhid Ailələri İctimai Birliyinin Masallı rayon filialının sədri, Qarabağ müharibəsi əlili Nahid Rəhimov, din xadimləri, ərazi nümayəndəliyi və şəhid ailələri şəhidin məzarını ziyarət etmiş, ruhuna dualar oxumuşlar.
Şəhidin ailə üzvləri onlara göstərilən diqqət və qayğıya görə Cənab Prezident İlham Əliyevə, Birinci vitse-Prezident Mehriban xanım Əliyevaya və rayon rəhbərliyinə minnətdarlıqlarını ifadə ediblər.