29 avqust 2025-ci il tarixində Masallı Rayon İcra Hakimiyyəti və Masallı 1 saylı Mediasiya Təşkilatının birgə təşkilatçılığı ilə “Konstitusiya və Suverenlik İli”nə həsr edilmiş "Ümummilli lider Heydər Əliyev müstəqil Azərbaycan Konstitusiyasının banisidir" mövzusunda tədbir keçirilib.

Tədbirdə Masallı Rayon İcra Hakimiyyəti başçısı aparatının böyük məsləhətçisi-Yetkinlik yaşına çatmayaların işləri və hüquqlarının müdafiəsi üzrə Komissiyanın məsul katibi Zamin Məmmədov, RİHB aparatının məsul əməkdaşları, Masallı 1 saylı Mediasiya Təşkilatının rəhbəri Xanhüseyn Səmədov və digər qurumların nümayəndələri iştirak etmişlər.

Tədbiri giriş sözü ilə açan Masallı Rayon İcra Hakimiyyəti başçısı aparatının böyük məsləhətçisi-Yetkinlik yaşına çatmayaların işləri və hüquqlarının müdafiəsi üzrə Komissiyanın məsul katibi Zamin Məmmədov tədbir iştirakçılarını salamlayaraq, müstəqil Azərbaycanın ilk Konstitusiyanın hazırlanmasında Ümummilli lider Heydər Əliyevin müstəsna xidmətləri, Konstitusiyanın əhəmiyyəti, onun prinsipləri, hüquqi qüvvəsi, insan hüquq və azadlıqları, 44 günlük Vətən müharibəsi, antiterror əməliyyatı, Zəfərin qazanılmasında cənab Prezident İlham Əliyevin qətiyyətli və müdrik siyasəti, ərazi bütövlüyümüz uğrunda Masallı rayon sakinlərinin fəal iştirakı barədə ətraflı məlumat verib.

Tədbirdə çıxış edən Masallı 1 saylı Mediasiya Təşkilatının rəhbəri Xanhüseyn Səmədov Azərbaycanın yaranma tarixi, müstəqilliyin əldə edilməsinə qədər keçilən yol, Konstitusiyanın qəbul edilməsi, Vətən müharibəsində qazanılmış Zəfər haqqında məlumat verib.