İstedadları Tanıyaq və Tanıdaq" İctimai Birliyi Qeyri- Hökümət Təşkilatlarına Dövlət Dəstəyi Agentliyinin maliyyə dəstəyi ilə "Regionlarda istedadlı gənclərin inkişafına dair tədbirlər" adlı layihənin icrasını uğurla yekunlaşdırdı. Layihə çərçivəsində 14 avqust 2024- cü il Bakıda istedadlı uşaq və gənclərin mükafatlandırılması və yekun konsert tədbiri baş tutdu.

QHT.az xəbər verir ki, bu barədə İstedadları Tanıyaq və Tanıdaq İctimai Birliyinin sədri Vüsalə Sadıqova (Qələndərli) məlumat verib. Öncə dövlət himni səsləndirildi, Şəhidlərin əziz xatirəsi bir dəqiqəlik sükutla yad olundu. Daha sonra təşkilat sədri Vüsalə Sadıqova ( Qələndərli) qonaqları salamlayaraq təşkilatın fəaliyyəti və layihənin icrası ilə əlaqədar keçirilən istedad müsabiqəsi haqda məlumat verdi.

Tədbirdə QHT sədrləri, jurnalistlər, incəsənət və media nümayəndələri, ictimaiyyət nümayəndələri, müəllimlər, valideynlər və istedadlı uşaq və gənclər iştirak edirdi. Bir-birindən maraqlı çıxışlarla yaddaqalan tədbirin sonunda Ucar, Şəki, Gədəbəy rayonu və Bakı şəhərindən seçilən on iki nəfər diplom və hədiyyə ilə, yüzdən çox uşaq və gənc isə həvəsləndirici diplom ilə mükafatlandırıldı. Onlarla müəllim müsabiqədə göstərdiyi fəallığa və gənclərə dəstəyinə görə İlin Fəal müəllimi diplomu ilə təltif olundu. Sonda xatirə şəkli çəkdirildi. Bildirildi ki, müsabiqə iştirakçılarının hər birinə mütəmadi dəstək olunacaq, onların inkişafı və tanınması üçün başladılan layihənin davamlılığı qorunacaq.