Azərbaycanın baş prokuroru Kamran Əliyev Qarabağ separatçılarının işi ilə bağlı təfərrüatları açıqlayıb. O, istintaqın yekunlaşdığını, materialların yaxın vaxtlarda məhkəməyə təqdim olunacağını xatırladıb. Bu barədə NEWS.ru yazır.
Müxtəlif illərdə Azərbaycanın Baş Prokurorluğu tərəfindən 15 separatçıya qarşı cinayət işi başlanmış, onlar beynəlxalq axtarışa verilmişdir. 2023-cü ilin sentyabrında keçirilən əməliyyatdan sonra onlar saxlanılaraq Bakıya gətirilərək istintaqa təhvil verilib. Onlar terrorizm, terrorçuluğu maliyyələşdirmək, qanunla nəzərdə tutulmayan silahlı birləşmə və qruplar yaratmaq, terror məqsədi ilə təlimlər keçirməkdə ittiham olunublar. Bu ilin iyununda Bakı onların işi üzrə istintaqın başa çatdığını elan edib.