Minera şirkətlər qrupunu prezidenti Xudaqulu Rzayev yubiley yaşını qeyd edir. Xeyriyyəçi kimi tanınan Xudaqulu Rzayevin 60 yaşı tamam olur. İşgüzar, uğurlu iş adamı olmaqla yanaşı ehtiyaclı, yardıma möhtac qalan insanlara əl tututmaq həyat qayəsinə çevrilib Xudaqulu müəllimin. Xeyriyyəçilikdən zövq alan Xudaqulu Rzayev sahibkarlıq fəaliyyəti ilə yanaşı, hər zaman xalqın yanında olaraq, onların sosial problemləri ilə maraqlanır, həlli yollarında öz köməyini əsirgəmir.
Özü bu barədə danışmağı xoşlamasa da, Pandemiya və Vətən müharibəsi dövründə
Xudaqulu müəllimin əməyi danılmazdır.
O dövrlər geridə qalsa da, Şəhid ailələri və qazilərlə görüşərək, onlara maddi, mənəvi dayaq olması Xudaqulu müəllimin xalqını sevən, ona can yandıran bir vətən övladı olmasından xəbər verir.
Xudaqulu Əhəd oğlu Rzayev 30 yanvar 1962-ci ildə Ordubad rayonunun Behrud kəndində anadan olub. Leninqrad Politexnik İnstitutunun “Maşınqayırma və texnologiya fakultəsi”nin və Bakı Dövlət Universitetinin “Hüquq” fakultəsinin məzunu olub. Sank-Peterburq şəhərində Avrora EİB-də usta, növbə rəisi, daha sonra “20-ci parallel” müəssisəsində kommersiya direktoru vəzifələrində çalışıb.
1994-1996-cı illərdə “Şumer” firmasında Kommersiya direktoru vəzifəsini icra edib.
1996-cı ildə “İlandağ-SA”, 2007-ci ildə “Bəytaş-Bakı”, 2010-cu ildə “Dəniz uşaq baxçası”, 2011-ci ildə “Evrika liseyi”, 2017-ci ildə “İntelekt-RX” MMC müəssisələrini təsis edib.
2012-ci ildə Xudaqulu Rzayev firmaların fəaliyyətlərini ümumiləşdirərək “Minera” MMC şirkətini təsis edib.
Biznes və xeyiriyyə işləri ilə yanaşı, Xudaqulu müəllim Azərbaycanın ictimai-siyasi həyatında da fəal xidmət göstərir. Yeni Azərbaycan Partiyasının üzvüdür. O, həm də qayğıkeş ailə başçısıdır. Ailəlidir, 3 övladı var.
Azadmedia.az xəbər portalı olaraq qayğıkeş ailə başçısı, yüksək mənəvi dəyərlərə sahib, vətənini sevən vətəndaş, nüfuzlu iş adamı, xeyriyyəçi Xudaqulu Rzayevi doğum günü münasibəti ilə təbrik edir, ömrünün uzun, canının sağlam olmasını arzu edirik