“Azərbaycan Xəzər Dəniz Gəmiçiliyi” QSC-nin (ASCO) Azərbaycan Dövlət Dəniz Akademiyasının nəzdindəki Azərbaycan Dənizçilik Kollecinin (ADK) 2022-2023-cü tədris ili üçün plan yerləri açıqlanıb.

Bu il ADK 3 ixtisas üzrə qəbul aparacaq. Bunlar “Gəmi sürücülüyü”, “Gəmi energetik qurğularının istismarı” və “Elektrik təchizatı (Su nəqliyyatında)” ixtisaslarıdır.

Təsdiqlənmiş plana əsasən “Gəmi sürücülüyü” ixtisasına 15 yer ayrılıb. Bunlardan 10-u dövlət sifarişi hesabına, 5-i isə ödənişli əsaslarla təhsill almaq üçün nəzərdə tutulub.

“Gəmi energetik qurğularının istismarı” ixtisasının 10 yeri dövlət sifarişli, 5 yeri ödənişli əsaslarladır.

“Elektrik təchizatı (Su nəqliyyatında)” ixitsasına da bu il 15 yer ayrılıb. Bu ixtisasa qəbul olan tələbələrdən 10-u dövlət sifarişi, 5-i isə ödənişli əsaslarla təhsil almaq imkanı əldə edəcəklər.

Qeyd edək ki, ADK-ya qəbul 11 illik tam orta təhsil bazasından mümkündür.

Kollecdə tədris yalnız Azərbaycan dilində, əyani olmaqla 2 il, təhsil haqqı isə illik 600 azn-dir.

ADK-ya ixtisas seçimi Dövlət İmtahan Mərkəzi tərəfindən ali məktəblərin boş qalan yerlərinə ərizə qəbulu ilə eyni vaxtda aparılcaq.