Bu gün Masallı şəhərində Masallı şəhidlərinin xatirəsinə salınmış Qəhrəmanlar Parkında Anım Günü ilə bağlı tədbir keçirilib. Azadmedia.az-ın Cənub bürosundan verilən məlumata görə öncə mərasim iştirakçıları Parkın girişində Dəmir Yumruq abidəsinin və şəhidlərin xatirə lövhəsinin qarşısına çiçəklər düzüb, şəhidlərin xatirələrini 1 dəqiqəlik sükutla yad edib. Sonra Masallı Şəhər Sənaye Məhəlləsinə gələn tədbir iştirakçıları şəhidlərin xatirəsinə ağac əkib, şəhid ailələrinin xatirələrini dinləyib, onları maraqlandıran, narahat edən sualları cavablandırıb, müvafiq tapşırıqlar verib.
Anım Mərasimində Rayon İcra Hakimiyyətinin başçısı Araz Əhmədov, 70 saylı Masallı Şəhər Seçki Dairəsinin deputatı Məşhur Məmmədov, rayonun hüquq-mühafizə orqanı işçiləri, ictimaiyyət nümayəndələri, deputatın köməkçiləri və şəhid ailələri iştirak edib.
Allah bütün şəhidlərimizə rəhmət eləsin! Ehtiramla anırıq!