Oktyabrın 25-də Mərkəzi Qan Bankında Azərbaycanın Qızıl Aypara və Türkiyənin Qızıl Ay cəmiyyətlərinin təşkilatçılığı ilə “Canımız bir, qanımız bir” şüarı altında qanvermə aksiyası keçirilib.
Yeni Azərbaycan Partiyası Siyasi Şurasının üzvü, Azərbaycan Respublikası Milli Məclisin deputatı Məlahət İbrahimqızı qanvermə aksiyasında qan verib.

Tədbirdə çıxış edən deputat Azərbaycan və Türkiyə qardaşlığından bəhs edib:

“Türkiyə Qırmızı Aypara Cəmiyyəti ilə Azərbaycan Qızıl Aypara Cəmiyyətinin birgə görəcəyi çox iş var. Bu gün ən gözəlini birlikdə qanlarımızı verərək dostluğumuzu, can qardaşlığımız qan qardaşlığına çeviririk”.