Hakerlər NATO-nun bir neçə saytına hücum ediblər. Azadmedia xarici kiv-lərə istinadla xəbər verir ki, Kibertəhlükəsizlik sahəsində ekspertlər baş verənləri araşdırır. NATO-nun Xüsusi Əməliyyat Qüvvələrinin qərargahının internet saytı da hücuma məruz qalıb.

Alyansın sözçüsü əlavə təfərrüatları açıqlamayıb, lakin qeyd edib ki, NATO daim haker təhdidləri ilə üzləşir və kiberməkanda təhlükəsizliyə ciddi yanaşır. NATO saytları bir müddətdir ki, mövcud deyildi.

DPA-nın qeyd etdiyi kimi, saytların əlçatmazlığı fonunda Twitter, hücumun "Rusiyayönlü fəallar", o cümlədən Killnet qruplaşması tərəfindən həyata keçirildiyi barədə məlumat yayıb. Bu, yanvar ayında Almaniyada dövlət strukturlarına və banklara hücumla əlaqələndirilmişdi. Rusiya Federasiyası Prezidentinin mətbuat katibi Dmitri Peskov hər hansı haker qrupunun Rusiya ilə əlaqəli olmasını absurd adlandırıb.