Bakının Sabunçu Rayon Polis İdarəsi Zabrat kəndində xristian qəbiristanlığının dağıdılması ilə bağlı qəbirlərin təhqir edilməsi maddəsi ilə cinayət işi açıb. Azadmedia.az xəbər verir ki, bu barədə Rusiyanın Azərbaycandakı səfirliyi öz Telegram kanalında məlumat yayıb. Diplomatların sözlərinə görə, insident nəticəsində 100-ə yaxın məzar zərər görüb.
“Bu qeyri-adi hərəkətin miqyasını nəzərə alsaq, bunu təsadüfi xuliqanlıq hiyləsi hesab etmək çətindir. Tolerantlıq və multikulturalizm siyasəti yürüdən Azərbaycanda bunun baş verməsi təəssüf doğurur”, - səfirlikdən bildiriblər.

Eyni zamanda, səfirliyin əməkdaşları hadisəyə operativ reaksiyaya görə Azərbaycan rəhbərliyinə təşəkkür ediblər. Səfirlik sındırılmış məzar daşlarının bərpa ediləcəyi ilə bağlı səlahiyyətli orqanlardan təminat aldığını bildirib.

Zabratdakı qəbiristanlıq Azərbaycanda hücuma məruz qalan ilk xristian qəbiristanlığı deyil. Bundan əvvəl vandallar Binə, Surxanı və Sabunçu kəndlərində qəbiristanlıqlardakı dəfnləri dağıdıblar.

Azərbaycanın Birinci vitse-prezidenti Mehriban Əliyevanın adından Prezidentin köməkçisi Zeynal Nağdəliyev zərər çəkmiş qəbiristanlıqdakı məzarlarla tanış olub, sakinlərlə (o cümlədən rus icmasının nümayəndələri ilə) görüşüb.

Həmçinin dövlət başçısının tapşırığına uyğun olaraq qəbiristanlığın ərazisində abadlıq işlərinə başlanılıb. Sınıq qəbir daşları bərpa olunacaq, kilsənin ərazisi hasarla əhatə olunacaq.


Kommersant.ru