SOCAR "Azəriqaz" İstehsalat Birliyinin növbəti "Səyyar qəbul otağı" Hacıqabul rayonunun Pirsaat qəsəbəsində qurulub. Görüş zamanı əsasən istehlak olunan təbii qaza görə yaranan debitor borcun hissə-hissə ödənilməsinə imkan yaradılması və fərdi yaşayış evinə təbii qazın verilişinin təmin olunması, fərdi qazlaşma, habelə qaz xəttinin yerinin dəyişdirilməsi ilə bağlı müraciətlər səsləndirilib. Birliyin Salyan Regional qaz istismarı İdarəsinin rəhbərliyi tərəfindən aksiyaya üz tutan hər bir sakinin qaz təchizatı ilə bağlı problemi dinlənilib, daxil olan müraciətlərin araşdırılması ilə bağlı müvafiq tapşırıqlar verilib.