Rusiya Hərbi Kosmik Qüvvələrinə məxsus Su-34 qırıcı-bombardmançı təyyarəsi Volqoqrad vilayətində qəzaya uğrayıb.

Bu barədə Rusiya Müdafiə Nazirliyi məlumat yayıb.

"Təyyarə boş əraziyə düşüb. Uçuş döyüş sursatı olmadan həyata keçirilib. Yerdə dağıntı yoxdur", - məlumatda deyilir.

Bildirilib ki, pilotlar sağ qalıblar.

Təyyarənin qəzaya uğramasının ilkin səbəbini nazirlik texniki nasazlıq kimi müəyyən edib.