Azadmedia.az Euronews-a istinadən xəbər verir ki, yerli sakinlərin sözlərinə görə, yanğınsöndürənlər gələnə qədər yanğını təkbaşına söndürməyə və evlərini xilas etməyə çalışıblar.

Rumıniyanın şimalındakı Maramures bölgəsinin sakinləri şənbə günü burada baş vermiş genişmiqyaslı yanğını söndürdükdən sonra dəymiş ziyanı qiymətləndirirlər.

Altı anbar və geniş meyvə bağları külə dönüb - 550 hektara yaxın ərazi yanğın nəticəsində kül olub.

Yerli sakinlərin sözlərinə görə, alov qəfil başlayıb və sürətlə yayılaraq evə keçib.

Daxili İşlər Nazirliyi şənbə günü bu ərazidən 90 nəfərin təxliyə edildiyini bildirib.

Sakinlərin dediyinə görə, yanğınsöndürənlər gələnə qədər evləri xilas etmək üçün özləri yanğınla mübarizə aparmalı olublar.

Söndürmə üçün Maramureş və ətraf rayonlardan 250-dən çox yanğınsöndürən səfərbər edilib.

Baş Fövqəladə Hallar İdarəsi yanğının quru bitki örtüyündə başladığını və tezliklə nəzarətdən çıxdığını hesab edir.

Səlahiyyətlilər yanğının səbəbini öyrənmək üçün araşdırmalara başlayıb.