Serbiyanın paytaxtı Belqrada hökumətə qarşı keçirilən etiraz aksiyası zamanı etirazçılarla polis arasında qarşıdurma baş verib.
Təhlükəsizlik qüvvələrinin dinc davam edən aksiyanı dəyənəklərlə dağıtmağa çalışdığı bildirilir.

Qarşıdurmalar nəticəsində bir neçə nəfər xəsarət alıb.
Xəsarət alanlar arasında polis əməkdaşları da var.

Etirazçılar hökumətdən növbədənkənar parlament seçkilərinin keçiriləmsini tələb edirlər.
Qeyd edək ki, Serbiya hökumətinə qarşı etiraz aksiyaları noyabr ayında Novi Sadda qatar dayanacağında 16 nəfərin ölümü ilə nəticələnən qəzadan sonra başlayıb.

Etirazçılar iddia edirlər ki, bu cür qəzalar dövlət infrastruktur layihələrində olan korrupsiya hallarına görə baş verir.