Çin və Rusiya silahlı qüvvələri “Joint Sea 2025” adlı birgə dəniz patrulu həyata keçirib. Təlimlər Rusiyanın Vladivostok liman şəhəri yaxınlığındakı sularda baş tutub. Bu, iki ölkə arasında hərbi əməkdaşlığın növbəti nümunəsidir.

Çin Müdafiə Nazirliyinin açıqlamasına görə, təlimlər illik əməkdaşlıq planı çərçivəsində planlaşdırılıb və heç bir üçüncü tərəfə qarşı yönəlməyib. Patrul zamanı sualtı qayıqlara qarşı mübarizə, hava hücumlarından müdafiə və birgə manevrlər icra olunub.

Son illər Rusiya və Çin siyasi və iqtisadi sahələrdə əməkdaşlığı dərinləşdirib. Çin, Qərb sanksiyaları fonunda Rusiyaya iqtisadi dəstək göstərməyə davam edir.

Bəzi Qərb və Yaponiyalı rəsmilər bu yaxınlaşmanı təhlükə kimi qiymətləndirirlər. Yaponiya Müdafiə Nazirliyi son hesabatında Çin-Rusiya hərbi əməkdaşlığını region üçün “ciddi təhlükə” adlandırıb.

Pekindən isə verilən açıqlamada bildirilib ki, bu cür təlimlər bölgədə sabitliyin və təhlükəsizliyin təmininə yönəlib.