Bermuda hökuməti sakinləri Erin fırtınasına qarşı tədbir görməyə çağırıb.

Milli Təhlükəsizlik üzrə icraçı naziri CEK Adams bildirib ki, küləklər çərşənbə və cümə günləri güclənəcək və fırtına adanın 310 dəniz milinə yaxınlığından keçəcək. Adams sarı bayraqların artıq sahillərdə qaldırıldığını və yaxın günlərdə qırmızı bayraq xəbərdarlıqlarının olacağını qeyd edib.

O həmçinin vurğulayıb ki, fırtına adanın birbaşa təhlükəsi olmasa da, güclü bir sistemdir və bu mövsümdə Bermudada ilk dəfə belə təsir hiss olunacaq. ADAMSIN sözlərinə görə, dalğa hündürlüyü cümə gününə qədər 7,3 metrə çataraq, suda hərəkəti həyati təhlükə altında qoyacaq.

O, sakinləri xəbərdar edərək bildirib: "Erin fırtınasını mövsümə hazırlıq baxımından ciddi sınaq kimi qəbul edin. Fırtına qapımızda olana qədər gözləməyin."

Fırtına Erin artıq Karib dənizinin bəzi bölgələrində yağış və külək gətirib. ABŞ Milli Fırtına Mərkəzinin məlumatına görə, fırtına bazar ertəsi səhər saatlarında 225 km/saat maksimum davamlı küləklə 4-cü kateqoriyaya yüksəlib və Törks və Kaykos adalarıilə cənub-şərq Baham adalarını vurub.

Mütəxəssislər Erin’in şimal-şərqə dönəcəyinə əmin olsalar da, o hələ də ABŞ şərq sahilində təhlükəli dalğalar və sürükləyici axınlar yarada bilər, xüsusilə Şimali Karolina sahilində tropik küləklər gətirə bilər.