Dünyanın ən məşhur paleoantropoloji tapıntılarından olan “Lusi” və “Selam” Avropaya gətirilib. Onlar ilk dəfə olaraq Çexiyanın paytaxtı Praqada sərgilənir.

3,2 milyon il yaşı olan “Lusi” 1974-cü ildə Efiopiyada aşkar edilib. Onun skeleti ikiyaşayışlılığın – yəni bipedalizmin izlərini göstərməsi ilə insan təkamülündə mühüm mərhələ hesab olunur. Bu xüsusiyyət homininlərin digər primatlardan ayrılmasının əsas göstəricilərindən biri idi.

2000-ci ildə isə eyni növə aid kiçik bir uşağın qalıqları tapılIB. “Selam” adı verilən bu fosil də insanın qədim tarixini anlamaqda mühüm rol oynayır.

Hər iki tapıntı Australopithecus afarensis növünə məxsusdur və insanın təxminən yeddi milyon illik təkamül yolunu əks etdirən “İnsanlar və onların əcdadları” adlı yeni daimi sərginin əsas hissəsini təşkil edir.


“Lusi”nin kəşfini edən paleoantropoloq Donald Johansonun sözlərinə görə, onun növü Yer üzündə təxminən bir milyon il mövcud olub. Müasir insan isə hələ cəmi bir neçə yüz min il yaşayıb. Alim bu faktın bəşəriyyətin öz mühitini qorumaq zərurətinə açıq bir xəbərdarlıq olduğunu qeyd edir.