Almaniya hökuməti Ukraynaya qoşun göndərmək fikrini dəyişib.

Bu barədə Almaniyanın “Bild” nəşri hökumət mənbələrinə istinadən məlumat yayıb.

Xəbərdə bildirilir ki, Almaniya təhlükəsizlik zəmanəti kimi Ukraynaya qoşun göndərməyi düşünmür. Bunun əvəzində Almaniya maliyyə yardımı etməyi planlaşdırır.

Belə ki, Rusiya və Ukrayna arasında atəşkəs əldə olunacağı təqdirdə Almaniya hökuməti təhlükəsizlik zəmanətinin təmin edilməsi çərçivəsində başqa addım atacaq.

Qəzet yazır ki, rəsmi Berlin atəşkəs olacağı təqdirdə Ukrayna silahlı qüvvələrini daha da gücləndirməyə hazırlaşır.

Qeyd edək ki, bir neçə gün öncə Almaniyanın Ukraynada sülhdən sonra bu ölkəyə qoşun göndərəcəyi barədə məlumatlar yayılmışdı.