Rusiya Prezidenti Vladimir Putin Nizhnıy Novqorod bölgəsində keçirilən “Zapad 2025” birgə hərbi təlimlərin son günündə iştirak edib. Təlimlər Rusiya və Belarusun hərbi ittifaqı çərçivəsində suverenlik və dövlət təhlükəsizliyinin qorunmasını təmin etmək məqsədilə həyata keçirilib.

Təlimlər 41 təlim meydançasında aparılıb və 100 min hərbçi iştirak edib.

PUTİN vurğulayıb ki, təlimlərdə iştirak edən 10 min silah və texnika sistemi müasir döyüş şəraitində praktik istifadəyə əsaslanır və manevrlərin planları Ukraynadakı xüsusi hərbi əməliyyat təcrübəsi nəzərə alınmaqla hazırlanıb.

Təlimlərə 25 xarici nümayəndə heyəti qatılıb, bunlardan 16 dövlət nümayəndələr göndərib, 6 dövlət isə hərbi kontingentləri ilə birbaşa iştirak edib.

Rusiya Müdafiə Nazirliyinin verdiyi məlumata görə, təlimlər Belarusdan Arktikaya qədər geniş ərazini əhatə edib, burada nüvə qabiliyyətli raketlərin, o cümlədən hipersonik “Zircon” raketlərinin atışları məşq olunub. Təlimlərdə həmçinin yeni orta mənzilli ballistik raketlər – “Oreshnik”in ssenariləri üzrə planlaşdırmalar aparılıb.

Prezident Putin xarici nümayəndələrə müraciətində təlimlərin iki ölkənin hərbi əməkdaşlığını gücləndirəcəyinə və müasir döyüş təcrübəsinin tətbiqini artıracağına ümid etdiyini bildirib.