İsrail Müdafiə Qüvvələri Fələstin anklavının ən böyük əhali mərkəzinə nəzarəti ələ keçirmək üçün avqust əməliyyatı başlayandan bəri Qəzza şəhərində təxminən 1250 binanı dağıdıb.

Bu barədə "Report" "The Jerusalem Post" nəşrinə istinadən xəbər verir.

Qeyd olunub ki, əməliyyatlarda 200-dən az radikal məhv edilib.

Dağıdılan binaların təxminən üçdə biri İsrail ordusu tərəfindən sırf hərbi hədəflər, yarısı isə radikallar tərəfindən dəyişdirilən obyektlər kimi təsnif edilib. Məsələn, bəzilərində müşahidə kameraları quraşdırılıb.

Ordudakı mənbə nəşrə bildirib ki, hətta bir müşahidə kamerasına görə çoxmərtəbəli bina dağıdılıb. Bəzi binalar aydın təsnifata uyğun gəlməyib.