ABŞ Senatında Respublikaçılar, prezident Donald Trampın narkotik kartellərə qarşı hərbi güc istifadəsinə nəzarət etməyi təklif edən qanun layihəsini rədd etdilər. Belə ki, Qanun layihəsi Trampın gələcək hərbi əməliyyatlar üçün Konqresdən icazə almasını tələb edirdi.

Tramp administrasiyası bildirir ki, narkotik qaçaqmalçıları ABŞ üçün təhlükə yaradan silahlı düşmənlərdir və bu səbəbdən onlara qarşı hərbi güc istifadə oluna bilər. Onların iddiasına görə, bu əməliyyatlarla dörd gəmi məhv edilib, 21 nəfər ölüb və çoxlu narkotik ölkəyə daxil olmamış saxlanılıb.

Lakin bu mövqe Konqresdə ciddi suallar doğurub. Bəzi Respublikaçılar Ağ Evdən əməliyyatlarla bağlı daha çox məlumat istəyir, Demokratlar isə bu hərbi zərbələrin ABŞ və beynəlxalq qanunları pozduğunu deyirlər. Senator Rand Paul Konqresin prezidentin müharibə qərarlarına nəzarət etməli olduğunu bildirib.

Ağ Ev qanun layihəsini veto edəcəyini əvvəlcədən bəyan etmişdi. Qanun qəbul olunmasa da, senatorlara Trampın bu hərbi qərarlarına münasibət bildirmək imkanı verildi.

Bu məsələ ABŞ-ın gələcəkdə hərbi gücdən necə istifadə edəcəyinə dair mühüm müzakirələrə səbəb ola bilər.