Ermənistan Baş Naziri Nikol Paşinyan 2020-ci ilin ilk yarısında Rusiyaya rəsmi səfər etməyi planlaşdırır.

Bu barədə o, “Kommersant” qəzetinə müsahibəsində bildirib.

“İrəvanda Vladimir Vladimiroviç (Putin – red.) ilə dəvətlər mübadiləsi apardıq. Razılaşdıq ki, əvvəlcə mən Moskvaya rəsmi səfər edim, sonra o, Yerevana gəlsin”, -deyə Paşinyan vurğulayıb.

O, rəsmi səfərin dəqiq tarixinin müəyyənləşmədiyini qeyd edib: “Ola bilsin ki, ilin ilk yarısında mən, ikinci yarısında isə Vladimir Vladimiroviç səfər edəcək”.