ABŞ-a aid milyonlarla gizli sənədi "WikiLeaks"ə verən keçmiş əsgər Bredli Manninqin şəkli məşhur moda jurnali "Vogue"nin ilk səhifəsində yer alıb.

Sənədləri verdiyini etiraf edən və həbsdə yatan Bredli Manninq bu müddətdə cinsiyyət dəyişdirib və həbsdən Çelsi Manninq olaraq çıxıb.

Şəklini sosial mediada "Deyəsən, azadlıq belə bir şeydir" başlığı ilə paylaşan Çelsi sentyabrda "Vogue" jurnalının ön səhifəsində olacağını deyib.

Qeyd edək ki, 29 yaşlı Manninq 2013-cü ildə 35 illik həbs cəzasına məruz qalmış, lakin ötən il Obama tərəfindən əfv edilmişdi.