Kanada ilə sərhədə yaxın göl üzərində amerikalı qırıcı tərəfindən vurulan obyekt səkkizbucaqlı formada olub. Azadmedia.az xəbər verir ki, bu məlumatı Fox kanalı konqresmen Cek Berqmana istinadən paylaşır.

"ABŞ Hərbi Hava Qüvvələrinə məxsus F-16 qırıcısı Sidewinder raketi ilə Huron gölü üzərində sirli səkkizbucaqlı obyekti vurub", - Foks bildirib.

Bu, amerikalıların son səkkiz gündə vurduqları dördüncü obyektdir.

Bundan əvvəl ABŞ-da Huron gölü üzərində uçan obyektin prezident Co Baydenin göstərişi ilə vurulduğu məlum olub. Obyekt fevralın 11-də Montana ştatı üzərində görünüb.

Vaşinqton vurulan obyektin qurudakı hər hansı hədəf üçün hərbi təhlükə yaratdığına inanmır. Eyni zamanda, Amerika hakimiyyəti bu aparatın kəşfiyyat fəaliyyəti ilə məşğul ola biləcəyini də istisna etmir.

Fevralın 12-də ABŞ Nümayəndələr Palatasının üzvü, deputat Elissa Slotkin bildirib ki, hərbçilər Kanada ilə sərhəddə Huron gölü üzərində uçan obyekti izləyirlər.