Azamedia.az xəbər verir ki, Abşeronda güclü yanğın olub.

Belə ki, hadisə Xırdalan şəhəri Piyvə zavodu adlanan ərazidə qeydə alınıb. Tullantı materialları və avtomobil təkərləri olan yerdə anidən yanğın başlayıb. Hadisə yerinə FHN-nin Abşeron rayon Yanğından mühafizə bölməsinin bir neçə texnikası və canlı qüvvəsi cəlb olunub.

Qeyd edək ki, yanğın qısa vaxt ərzində söndürülüb və ətraf ərazilərə keçməsinin qarşısı alınıb. Faktla bağlı araşdırma aparılır.