İtaliyanın Avropa Şurası Nazirlər Komitəsinə sədrliyi çərçivəsində dekabrın 13-də Venesiya şəhərində Avropa Şurasına üzv dövlətlərin ədliyyə nazirlərinin konfransı işə başlayıb.
Konfransda Azərbaycanı ədliyyə naziri Fikrət Məmmədov təmsil edir.
İki gün davam edəcək konfrans “Cinayət və cinayət ədalət mühakiməsi - Avropada bərpaedici ədalət mühakiməsinin rolu” mövzusuna həsr olunub. Avropadan 40 nümayəndə heyətinin iştirak etdiyi sammit çərçivəsində “Bərpaedici ədalət mühakiməsi və gənclər”, “Bərpaedici ədalət mühakiməsi - cinayət mühakiməsinin tamamlayıcısı kimi” və “xüsusi təlim” mövzularında sessiyalar keçiriləcək.