Talibanın tanınması hələ gündəmə daxil olmayıb. Taliban da anlayır ki, bu hələ tezdir. Bizim müəyyən sorğularımız olub, lakin bu, bizim Talibanın hakimiyyətini tanınmamız demək deyil.

Azadmedia.az xəbər verir ki, bunu Türkiyə XİN rəhbəri Mövlud Çavuşoğlu deyib.

Onun sözlərinə görə, Ankara Taliban hökumətinə həm etnik, həm də siyasi məsələlərdə inklüziv olmağı, xüsusən qadınların hüquqlarına və qızların təhsilinə diqqət yetirməyi tövsiyə edir. Türkiyənin xarici işlər naziri əlavə edib ki, bu tövsiyələr İslam Əməkdaşlıq Təşkilatına üzv ölkələrin xarici işlər nazirlərinin Əfqanıstan üzrə görüşünün yekunları üzrə qəbul edilmiş sənədlərə daxil edilib.