Editor Xəbər Portalı İlin ən fəal millət vəkili nominasiyası üzrə onlayn sorğu keçirib. Səs çoxluğu toplayanlar arasında millət vəkili Məşhur Məmmədov da var. Doğrudan da 70 saylı Masallı Seçki Dairəsi seçiciləri deputat sarıdan çox şanslıdırlar. Uzağa getmədən, elə rəsmi səhifəsindən deputatın iş fəaliyyəti ilə tanış olmaq mümkündür. İşlərinin çoxluğuna baxmayaraq, demək olar ki, seçki dairəsində yaşayan l və ll Qarabağ müharibəsinin bütün şəhid ailələrində olub. Şəhidlərin doğum günü və il mərasimlərində iştirak edib. Dövlət tədbirləri ilə əlaqədar iştirak edə bilməyəndə mütləq köməkçilərini göndərib. Masallının abadlıq-quruculuq işlərini izləyəndə də Məşhur müəllimin maddi və mənəvi dəstəyinin şahidi oluruq. Hər rayon səfərində aşağısı 15 nəfər olmaqla seçicisini rayonun rəhbər şəxslərinin iştirakı ilə qəbul edir ki, nəticədə problemlərin əksəriyyəti yerindəcə həllini tapır. Məşhur müəllimi tələbə qız ailələri xüsusi minnətdadlıqla xatırlayır. Çünki onun təşəbbüsü və dəstəyi ilə yaradılan Masallı Təhsil Fondu ali məktəbin ödənişli fakültələrinə daxil olan qızların təhsil və kirayə haqlarını ödəyir. Vaxt azlığına baxmayaraq mütəmadi dövrü mətbuatda, televiziyada çıxış edir, ölkədə baş verən siyasi, ictimai, iqtisadi hadisələrə münasibətini bildirir. Məşhur müəllimin fəaliyyətindən çox yazmaq olar. Bir sözlə o, ilin ən fəal millət vəkilidir.
Xəlil Xəlilov,
Azadmedia Xəbər Portalının Baş redaktoru