Masallı rayon Mərkəzi Kitabxanasında yazıçı-publisist Nurəddin Ədiloğlunun müəllifi olduğu “Qaçaq Mozu” romanının təqdimat və imza günü keçirilib.

Azadmedia.az-ın cənub bürosu xəbər verir ki, tədbiri giriş sözü ilə “Masallı Ziyalıları” İctimai Birliyinin sədri Qardaş Fətullayev açaraq müəllif və onun yeni əsəsri haqqında məlumat verdi.

Sonra müəllifin yaradıcılığı barədə kitabın korrektoru, yazıçı Əlizaman Baxış, jurnalist-publisist Akif Ağayev, “Asiya.az” xəbər portalının baş redaktoru Cəfər Cəfərov, Sığıncaq kənd orta məktəbinin direktoru Əhliman Əliyev, Millət vəkili Məşhur Məmmədovun köməkçisi Əli Nağıyev və digər oxucular çıxış etdilər.

Sonda yazıçı-publisist Nurəddin Ədiloğlu təqdimat mərasiminin iştirakçılarına təşəkkürünü bildirib, onlar üçün kitabını imzaladı.

Fotolar Elsevər Əliyevə məxsusdur.