Böyük Britaniyanın mərhum kraliçası II Elizabetə məxsus Jaguar X-Type Estate lüks avtomobil payızın sonunda start qiyməti olmadan satışa çıxarılacaq.

Bu barədə "Daily Mail" nəşri məlumat yayıb.

120 min kilometr məsafəni qət edən və yüngül dəri salona malik yaşıl rəngli tam ötürücülü universal avtomobil bir çox özəlliklərə malikdir.

Avtomobil Noyabrın 26-da Surrey ştatının Veybric şəhərində Historics Auctioneers tərəfindən hərraca çıxarılacaq. Onlar onu bir funt sterlinqdən başlayaraq istənilən təklif olunan qiymətə satmağa hazırdırlar. Bununla belə, ekspertlərin fikrincə, maşının dəyəri ən azı beş rəqəmli məbləğə çatacaq.