Bakı Neft Akademiyasının rektoru nəinki tələbələrinə, rələbələrin təhsil aldıqları orta məktəblərin kollektivinə də diqqət göstərir, nümunəvi tələbələr üçün onlara təşəkkür edir. Bu dəfə də ənənəsinə sahiq qalan rektor nümunəvi tələbəsi Aynur Mövsumova üçün onun təhsil aldığı 274 nömrəli orta məktəbin kollektivinə və məktəbin direktoru Nəriman Mürsəliyevə Təşəkkür məktubu yollayıb. Direktor Nəriman müəllim də öz növbəsində rektor Elmar Qasımova diqqətinə görə həm öz adından, həm də kollektivi adından təşəkkür edib və məktəbin yetirməsi Aynur Mövsümovanın təhsilini ölkənin nüfuzlu məktəbində davam etdirməsindən qürur duyduğunu bildirib. Bakı Ali Neft Məktəbinin məzunu olacaq Aynurun ölkəmizin layiqli vətəndaşı və peşəkar mühəndisi kimi onları daim qürurlandıracağına inandığını bildirib, BNA kollektivinə bol-bol uğur diləyib, fədakar əməkıərini yüksək qiymətləndirdiklərini qeyd edib.