Milli Məclisin deputatı Məşhur Məmmədovun Masallı rayonunun kəndlərində seçicilərilə görüşü davam edir.

Azadmedia.az-ın cənub bürosu xəbər verir ki,
deputat Məşhur Məmmədovun
Həsənli kənd ərazi nümayəndəliyinin inzibati binasında seçiciləri ilə növbəti səyyar görüş-qəbulu baş tutub.

Həsənli kənd ərazi nümayəndəliyində keçirilən
qəbulda görüş zamanı seçicilərin çoxsaylı müraciətləri dinlənilib.

Qəbula gələn vətəndaşların görüş zamanı səsləndirdikləri problemlər sırasında əsasən kənddə uşaq baxçasının binasının yararlı hala salınması, kəndarası yolların bərpası, kənddə Kapital Bankın bankomat aparatının quraşdırılması və qız övladlarının təhsili üçün maddi yardımın göstərilməsi və digər xırda məişət problemləri olub.

Deputat tərəfindən səlahiyyətləri çərçivəsində olan problemlər nəzarətə götürülüb və həlli üçün qanunvericilik çərçivəsində müvafiq addımlar atılıb. Həmçinin vətəndaşların problemlərinin həlli üçün aidiyyatı orqanlar qarşısında məsələlərin qaldırılacağı da vurğulanıb.

Qeyd edək ki, deputat Məşhur Məmmədovun
görüşləri davam edir.