Masallı rayonu millət vəkili Məşhur Məmmədovun köməkçiləri Şəhid Qurbanov Masim Hafiz oğlunun anım günündə iştirak ediblər.

10 yanvar 44 günlük Vətən müharibəsində şəhidlik zirvəsinə ucalmış Şəhid Qurbanov Masim Hafiz oğlunun anım günüdür.

Azadmedia.az xəbər verir ki, Masallı rayonu Ərəb kəndində Şəhid Qurbanov Masim Hafiz oğlunun əziz xatirəsinə təşkil olunmuş anım mərasimində millət vəkili Məşhur Məmmədovun köməkçiləri - Əli Nağıyev, Hekayət Nəzərov və Rəmzi Şahverdiyev iştirak edib, millət vəkilinin başsağlığı diləklərini Şəhidin atası Hafiz Qurbanova çatdırıblar.

Tədbirdən sonra millət vəkilinin köməkçiləri Şəhidin ailə üzvləri və mərasim iştirakçıları ilə birgə Şəhid Masimin məzarını ziyarət edib, məzarı üstünə gül dəstələri qoyub, ruhuna dualar oxuyublar.

Torpaqlarımızın azadlığı uğrunda canlarından keçmiş şəhidlərimizin doğum və anım günləri heç vaxt unudulmur.

Vətənimizin müdafiəsi uğrunda döyüşən igid oğullarımız xalqımızın tarixində əbədi olaraq yaşayacaq.