“Naməlum şəxs Azərbaycanın Tehrandakı səfirliyinə daxil olaraq atəş açır. Hücumda mühafizə rəisi həyatını itirir, 2 təhlükəsizlik işçisi yaralanır.”

İranın mövzu ilə bağlı açıqlamasında hücumun səbəbinin ailə ilə bağlı olduğu iddia edilsə də, təbii olaraq ölkəmiz bunu terror aktı kimi qiymətləndirib.

Azərbaycan Xarici İşlər Nazirliyi Tehranda səfirliyə silahlı hücumla bağlı İranın diplomatik missiyanın təhlükəsizliyinin təmin edilməsi üçün lazımi tədbirlər görmədiyini və Azərbaycanın bu istiqamətdə əvvəlki çağırışlarına lazımi həssaslıq göstərmədiyini bildirib.


Məsələyə digər yanaşma, Dünya Alpaqut Federasiyasının vitse prezidenti Emil Rəhimovdan gəldi.

Emil Rəhimov Azadmedia.az-a olan açıqlamasında, “Mən də daxil olmaqla, ofisdə və ya evdə oturub İrana hədə qorxu mesajları yazmaq lazım deyil, gərəkli aidiyyatı qurumlardan icazə alıb, İranın Azərbaycandakı səfirliyinin önündə aksiya keçirmək və mövqeyimizi bildirmək lazımdır,” - deyə vurğulayıb.

E. Rəhimov, “Tehran səfirliyinə silahlı hücumu ən kəskin şəkildə pislədiyini bildirərək, həmçinin qeyd edib ki, hər bir dövlət Diplomatik Münasibətlər haqqında Vyana Konvensiyasından irəli gələn öhdəliklərə uyğun olaraq ölkədəki diplomatik nümayəndəlikləri qorumalıdır.”

Ülkər Piriyeva