Türkiyədə 14 mayda keçiriləcək prezident seçkilərinə 2 gün qalmış Məmləkət Partiyasının sədri Məhərrəm İncə namizədliyini geri çəkmək qərarı verib.

Azadmedia.az xəbər verir ki, türkiyəli jurnalist Həsən Barın məlumat verib.

Onun sözlərinə görə, yerli vaxtla saat 14:00-da mətbuat konfransı keçərəcəyi gözlənilən Məhərrəm İncə tərəfdarlarını “Altılı masa”nın vahid namizədi, CHP lideri Kamal Kılıçdaroğluna səs verməyə çağıracaq.

“Məhərrəm İncənin namizədlikdən geri çəkilmə səbəbi kimi səhhətindəki problemləri göstərəcəyi ehtimal olunur”, - H.Barın bildirib.

Qeyd edək ki, ötən gün Məhərrəm İncənin səhhətində yaranan problem səbəbindən görüşlərinin təxirə salındığı açıqlanmışdı. Onun hətta infarkt riskinə qarşı müalicəyə başladığı bildirilirdi. Axar.az