Türkiyə Avasiya və Kosmos Sənayesi (TUSAŞ) helikopter, təyyarə və Pilotsuz Uçuş Aparatlarından (PUA) ibarət geniş məhsul çeşidi ilə dünyanın ən əhəmiyyətli aviasiya sənayesi toplantılarından biri olan “Paris Airshow”da yerini alıb.

Azadmedia.az xəbər verir ki, sərgidə TUSAŞ bir müddətdir üzərində işlədiyi və uçuş sınaqlarına başlanılan helikopter tipli yük PUA-sını nümayiş etdirib.

Belə ki, ucuz və risksiz həll yolu kimi hazırlanmış yük PUA-sının maksimum uçuş çəkisi 275 kiloqramdır.

Qeyd edək ki, istifadəçinin işini asanlaşdırmaq üçün tətbiqi asan bir vasitə kimi inkişaf etdirilən PUA avtomatik olaraq havaya qalxa bilən, məlumat bağlantısı olmayan bölgələrə gedə bilən, yükü götürüb daşıya bilən sistem olaraq hazırlanıb