İsrail Baş naziri Benyamin Netanyahu Səudiyyə Ərəbistanı ilə sülh razılaşması əldə etməyi planlaşdırır.

Azadmedia.az xəbər verir ki, Netanyahu bu barədə “Bloomberg“ə müsahibəsində deyib.

Belə ki, İsrail hökumət başçısı Ər-Riyadla iqtisadi əlaqələri inkişaf etdirmək niyyətində olduğunu açıqlayıb:

“Siyasi iradə olan zaman İsraillə Səudiyyə Ərəbistanı arasında münasibətləri normallaşdırmaq və sülhə nail olmaq üçün yol tapılacaq”, - İsrailin Baş naziri əlavə edib.

Qeyd edək ki, Baş nazirin fikrincə, hətta ölkələr arasında rəsmi sülh müqaviləsi olmasa belə, iqtisadi əməkdaşlığı inkişaf etdirmək olar və tərəflər Ərəbistan yarımadası vasitəsilə Asiyadan Avropaya keçən “iqtisadi dəhliz” yarada bilərlər:

“Söhbət enerji, nəqliyyat və kommunikasiya dəhlizlərindən gedir. Biz bunu reallaşdıracağıq və mənə elə gəlir ki, biz rəsmi sülh müqaviləsinin olub-olmamasından asılı olmayaraq bunu edə bilərik”.