Xəzər rayonunda içərisində 100 min manat olan seyf oğurlanıb.
"Ölkə.Az"ın əldə etdiyi məlumata görə, hadisə Buzovna qəsəbəsi, Albalılıq yaşayış masivində qeydə alınıb.
İlqar Həziyev Xəzər Rayon Polis İdarəsinin 2-ci polis bölməsinə ərizə müraciət edərək bildirib ki, evindən içərisində 100 min manat pul olan seyf oğurlanıb. Faktla bağlı Xəzər Rayon Polis İdarəsində cinayət məcəlləsinin oğurluq maddəsi ilə cinayət işi başlanıb.