Rusiyanın paytaxtı Moskva şəhərində təşkil edilən sirk zamanı bədbəxt hadisə baş verib.
AZTB.info xəbər verir ki, hadisə “Gomel” şirkətinin təşkil etdiyi şou-proqram zamanı qeydə alınıb.

Şou proqramın əvvəlində elan ediblər ki, gimnastlar 9 mərtəbəli binanın hündürlüyündə məsafədə maraqlı çıxışlar nümayiş etdirəcəklər. Bu zaman 20 yaşlı idmançı qız ehtiyatsızlıqdan yerə yıxılıb. Qız ehtiyat üçün qoyulan sədə çırpılaraq yerə düşüb.

Hadisə nəticəsində gimnast ağır yaralanıb. Həkimlər ona beyin silkələnməsi diaqnozu qoyublar. İdmançı qız reanimasiyaya yerləşdirilib. Onun vəziyyətinin ağır olduğu bildirilib.
Baş verən hadisənin video görüntüləri “YouTube” video portalına yerləşdirilib.