Britaniya Kolumbiyası Universitetinin kanadalı astronomları aşkar ediblər ki, superkütləli ağ cırtdan Gaia EDR3 Yerdən təxminən 153 işıq ili uzaqlıqda Buğa bürcündəki Hyades ulduz çoxluğunu tərk edib. Sönmüş ulduz kosmosa saniyədə təxminən 10 kilometr sürətlə uçur. Azadmedia.az xəbər verir ki, tədqiqat Astrophysics elmi jurnalında dərc olunub.

Ağ cırtdanlar günəş ölçüsündə olan ulduzların nüvələrində hidrogen yanacağı tükəndikdə yaranır. Reaksiyalar dayandıqdan sonra ulduzun öz cazibə qüvvəsinin daxili qüvvəsinə müqavimət göstərməsinə imkan verən enerji yox olur. Bu zaman ulduzun xarici təbəqələri 10-100 dəfə şişir və nüvəsi ya ağ cırtdana çevrilir, ya da əgər ulduz Günəşdən ən azı 1,4 dəfə böyük idisə, qara dəliyə və ya neytron ulduzuna çevrilir.

Astronomların fikrincə, Gaia EDR3 Günəşdən 1,3 dəfə daha kütləsi olan göy cismidir. Alimlər qeyd ediblər ki, sönmüş ulduz iki amil - çoxluğun özünün aşağı sıxlığı və digər klasterlərin təsiri və ya bu çoxluqlar arasında kütləvi qaz buludlarının hərəkəti nəticəsində yarana biləcək bəzi xarici təsirlər səbəbindən Hyades sistemindən qaça bilər.

Tədqiqatçılar qeyd etdilər ki, Gaia EDR3 hadisəsi ağ cırtdanların əvvəllər düşünüldüyündən daha tez-tez çoxluqlarını tərk etdiyini göstərir.