ABŞ-ın Vaşinqton universitetinin alimləri Alsqeymer xəstəliyi ilə bağlı tədqiqatın nəticələrini açıqlayıblar.
"Ölkə.Az" xəbər verir ki, nəticələrə əsasən, gündüz saatlarında yatmaq istəyən insanlar Alsqeymer xəstəliyinə meylli olurlar.

Tədqiqatda 189 könüllü iştirak edib. Alimlər iki həftə ərzində onların bioloji aktivliyini müşahidə ediblər. Bununla yanaşı, beyinlərinin maqnit-rezonans tomoqrafiyası çəkilib. Alimlər bildiriblər ki, bəzi problemli insanlar gecələr pis yatırlar və bu səbəbdən gündüzlər də yuxu istəyirlər.
Məlum olub ki, Alsqeymer xəstəliyinin başlanğıc mərhələsində olan insanların bioloji prossesində bu hiss edilir.