Amerika Ürək Assosiasiyasının və hərtərəfli səhiyyə, təhsil və tədqiqat sahəsində ixtisaslaşmış tibb mərkəzi olan Mayo Klinikasının mütəxəssisləri Health News-a bildiriblər ki, qışda sağlam qalmaq üçün kifayət qədər meyvə və tərəvəz yemək yaxşı fikirdir.

Fakt budur ki, meyvə və tərəvəzlərdə sağlamlıq üçün faydalı olan lif, vitaminlər, minerallar və antioksidant birləşmələr var. Lif bağırsağın fəaliyyətini normallaşdıran pəhriz lifidir. Antioksidant birləşmələr orqanizmin hüceyrələrini oksidləşmə nəticəsində yaranan zədələrdən qoruyur. Ümumdünya Səhiyyə Təşkilatı (ÜST) böyüklərə gündə beş porsiya meyvə və tərəvəz istehlak etməyi tövsiyə edir. Bir porsiya bir orta ölçülü meyvə və ya kök tərəvəz deməkdir.

Qeyd olunur ki, mövsümə uyğun meyvə və tərəvəz - naringi, portağal, armud, yerkökü, çuğundur və şalgam yemək daha yaxşıdır. Sitrus meyvələri və armudun tərkibində immuniteti qorumaq üçün vacib olan C vitamini var. Onlar həmçinin normal görmə kəskinliyini və ürək-damar sağlamlığını təmin edən A vitamini ilə zəngindirlər. Bu vitamin həm də orqanizmin yad maddələri və hüceyrələri tanıyıb çıxarmaq qabiliyyətini yaxşılaşdırır.

Yerkökü, şalgam və çuğundur A, C, K  və B vitaminləri, həmçinin kalium və maqnezium kimi minerallarla zəngindir. Onlar qan laxtalanması, həmçinin sümük və ürək sağlamlığı üçün vacibdir.