Oulu Universitetindən olan fin alimlərinin fikrincə, mərhəmətli insanlar yuxusuzluq və digər yuxu pozğunluqlarından daha az əziyyət çəkirlər. Onlar araşdırmanın nəticələrini Brain and Behavior jurnalında paylaşıblar.

Elmi işlərində alimlər Gənc Finlər Araşdırmasının məlumatlarından istifadə ediblər. Bu 37 illik tədqiqat 1980-ci ildə başladı. Burada 1962-1977-ci il təvəllüdlü 3596 nəfər iştirak edib. Tədqiqat qrupu 2001 və 2012-ci illərdə Temperament və Xarakter İnventar sorğusunu dolduran 1056 nəfərin yuxu keyfiyyəti ilə bağlı məlumatları işlərinə daxil edib.

Bu, amerikalı psixiatr Kloninqerin psixobioloji şəxsiyyət nəzəriyyəsinə əsaslanan beynəlxalq səviyyədə istifadə edilən şəxsiyyət testidir. Anketdən istifadə edərək, bir insanın müəyyən xarakter xüsusiyyətlərinə, o cümlədən mərhəmətli, məsuliyyətli və ixtiraçılıq qabiliyyətinə malik olduğunu müəyyən edə bilərsiniz.

Alimlər şəfqətli insanların yuxu pozğunluğundan əziyyət çəkmə ehtimalının bütün digər subyektlərə nisbətən daha az olduğunu aşkar etdilər. Həmçinin məlum oldu ki, depressiyanın olması xarakterindən və xasiyyətindən asılı olmayaraq bir insanın yuxu keyfiyyətini pisləşdirə bilər.