Bakı, 12 avqust — Azadmedia.az

15 saylı Yasamal birinci seçki dairəsindən deputatlığa namizəd Ülvi Quliyev seçiciləri ilə görüşüb.

Azadmedia.az xəbər verir ki, deputatlığa namizəd Ülvi Quliyev 15 saylı Yasamal birinci seçki dairəsində yaşayan sakinlərlə ilk genişmiqyaslı görüşünü keçirib.

Belə ki, görüşdə rayon sakinləri, qazilər, şəhid ailələri və media nümayəndələri iştirak ediblər.

Həmçinin Ü. Quliyev görüşdə iştirak edən seçicilərə, ilk növbədə, şəhid ailələrinə və qazilərə söylədikləri səmimi fikirlərə, verdikləri dəstəyə görə səmimi qəlbdən təşəkkürünü bildirib. Qeyd edib ki, səlahiyyətli nümayəndə və vəkillər öz çıxışlarında seçiciləri düşündürən məsələ və suallardan bir çoxuna aydınlıq gətirib.

Ü.Quliyev onu da vurğulayıb ki, qarşıdakı günlərdə çalışacağıq ki, görüşlərimiz seçicilərin əksəriyyətini əhatə etsin. Sonda bügünkü səmimi görüşə görə bütün iştirakçılara bir daha təşəkkür edib.