2026-cı ilin yanvar-mart aylarında 14829,5 min manatlıq sənaye məhsulu
istehsal edilmiş və sənaye xarakterli xidmətlər göstərilmiş və 2025-ci ilin müvafiq
dövrü ilə müqayisədə sabit qiymətlərlə 5,4 faiz az olmuşdur. İstehsal edilmiş malların
və göstərilmiş xidmətlərin 92,4 faizini sənaye məhsulları, 7,6 faizini isə sənaye
xidmətləri təşkil etmişdir.

Ümumi sənaye məhsulunun 92,4 faizi emal, 0,7 faiz mədənçıxarma, 6,3 faizi
elektrik enerjisi, qaz və buxar istehsalı, bölüşdürülməsi və təchizatı, 0,6 faizi isə su
təchizatı, tullantıların təmizlənməsi və emalı sektorunun payına düşür.

İstehlakçılara 16762,0 min manatıq sənaye məhsulu göndərilmiş, 01 aprel
2026-cı il tarixə sənaye müəssisələrinin anbarlarında 9917,7 min manatlıq hazır
məhsul ehtiyatı olmuş və sənayenin ümumi məhsulunun 66,9 faizini təşkil etmişdir.

Emal sektorunun müəssisələri tərəfindən 2026-cı ilin yanvar-mart aylarında
13709,7 min manatlıq məhsul istehsal edilmiş və xidmətlər göstərilmiş, rayon üzrə
məhsul istehsalının və göstərilmiş xidmətlərin ümumi həcmində 92,4 faiz təşkil etmiş
və 2025-cü ilin müvafiq dövrünə nisbətən sabit qiymətlərlə 13,8 faiz azalmışdır.
Məhsul istehsalının əsasını qida məhsullarının istehsalı (45,8 faiz), içki istehsalı
(51,2 faiz), tikinti materiallarının istehsalı (1,9 faiz) təşkil etmişdir.

Qida məhsullarının istehsalı sabit qiymətlərlə 14,5 dəfə azalaraq 6282,7
min manat təşkil etmiş və emal bölməsi məhsullarının 45,8 faizini təşkil etmişdir.

İçki istehsalının real həcmi sabit qiymətlərlə 12,4 faiz artaraq 7019,4 min
manat təşkil etmişdir.

Elektrik enerjisi, qaz, buxar istehsalı, bölüşdürülməsi və təchizatı
bölməsinin müəssisələri tərəfindən 2026-cı ilin yanvar-mart aylarında 930,2 min
manatlıq məhsul buraxılmış və xidmətlər göstərilmişdir. Bu göstərici 2025-cü ilin
müvafiq dövrü ilə müqayisədə sabit qiymətlərlə 53,8 faiz artmışdır.

Su təchizatı, tullantıların təmizlənməsi və emalı bölməsinin real həcmi
2025-ci ilin müvafiq dövrünə nisbətən sabit qiymətlərlə 27,0 faiz artaraq 92,7 min
manat təşkil etmişdir.


Ağsu Rayon Statistika İdarəsinin
baş məsləhətçisi Leyla Cəbrayılova