Azərbaycanda daha 88 nəfər keçmiş məcburi köçkün (21 ailə) işğaldan azad edilmiş Füzuli şəhərinə qayıdır.

Oktyabrın 10-da daha bir qrup vətəndaş Bakının Qaradağ rayonu ərazisində yerləşən “Qobu Park 3” yaşayış kompleksindən çıxıb.

Keçmiş məcburi köçkünlərin geri qaytarılması prosesi Azərbaycan Prezidentinin tapşırığına uyğun olaraq “Böyük qayıdış” proqramı çərçivəsində həyata keçirilir.

Füzuliyə qayıdan ailələr yeni tikilmiş evlərdə məskunlaşacaqlar.

Azadmedia.az xatırladır ki, bu günə kimi 602 nəfər (165 ailə) Füzuliyə qayıdıb.