Bakı, 9 avqust — Azadmedia.az

Bugün Bitki Mühafizə və Texniki Bitkilər ETİ ilə Rusiya Federasiyasının Ümumrusiya Bitki Mühafizə ETİ arasında əməkdaşlıq haqqında anlaşma memorandumu imzalanıb.

Azadmedia.az xəbər verir ki, BMTBETİ ilə Rusiya Federasiyasının Ümumrusiya Bitki Mühafizə ETİ arasında onlayn formatda görüş keçirilib.

Belə ki, görüş əsnasında hər iki qurumun rəhbərlərinin iştirakı ilə qarşılıqlı əməkdaşlığa dair anlaşma memorandumu imzalanıb.

Həmçinin onlayn formatda keçirilən görüşdə institutun direktoru Prof. İbrahim Cəfərov ölkələrimiz arasında yüksək səviyyəli dostluq münasibətlərindən bəhs edib. Bundan əlavə, bir sıra sahələrdə əlaqələrin olduqca təqdirəlayiq olduğunu bildirib. Prof. İ. Cəfərov müqavilənin əhəmiyyətini vurğulayaraq iki ölkə arasında bu tərz əməkdaşlığın genişləndirilməsi istiqamətində yeni layihələrin həyata keçirilməsinin vacibliyi diqqətə çatdırıb.