Bakı, 16 avqust — Azadmedia.az

15 saylı Yasamal rayon birinci seçki dairəsindən deputatlığa namizəd Ülvi Quliyevin seçki kampaniyası yüksək səviyyədə davam edir.

Azadmedia.az xəbər verir ki, VII çağırış Milli Məclisin deputatlığına namizəd Ülvi Quliyevin seçkiqabağı təbliğat-təşviqat kompaniyası çərçivəsində gənclərlə, şəhid ailələri və qazilərlə ümumilikdə vətəndaşlarla olan görüşləri böyük ruh yüksəkliyi ilə davam edir.

Belə ki, Deputat Qərargahından Azadmedia.az-a verilən məlumata görə, görüşlər zamanı ölkəmizin hər bir guşəsində keçiriləcək seçkilərin, həmçinin səsvermə hüququndan istifadənin cəmiyyətimiz üçün önəminə toxunulur.

Bununla yanaşı Ülvi Quliyev gənclərlə bir arada, onlara dəstək olmaqdan məmnunluq ifadə edib.
Günlərdir görüş keçirən Ü.Quliyev, gənclərin problemləri ilə yaxından maraqlanıb. Bundan əlavə, o, 2020-2024-cü illər üzrə deputatlıq fəaliyyətindən bəhs edib.

Eyni zamanda görüşlər zamanı ev sahibləri ilə yanaşı, qonşularla da səmimi söhbətlər edən Ü.Quliyev, onları narahat edən məsələlərlə yaxından tanış olur, fəaliyyəti ilə bağlı onları məlumatlandırır.

Onu da qeyd edək ki, Ü.Quliyev Yasamal rayonundan olan şəhidlərin ailə üzvlərini və qaziləri də hər daim diqqət mərkəzində saxlayır.

Diqqətinizə çatdıraq ki, Ü.Quliyev öz sosial media hesablarında da vurğulayıb ki,
“Seçicilərlə ev-ev, məhəllə-məhəllə görüşlərimiz davam edir və bu işi seçki qanunvericiliyində nəzərdə tutulduğu kimi avqustun 31-dək hər gün davam etdirəcəyik.”