AzadMedia

Pandemiyanın payız “sürprizləri” olacaqmı?

  • + A
  • - A
  • 25-09-2020, 14:55



    Bu ilin geridə qoyduğumuz bahar və yay aylarında dünyanı qorxuya salan koronavirusla mübarizə tədbirlərinin həyatımızda nə qədər
    dəyişikliklərə səbəb olduğunun şahidi olduq. İnsanların bir yerə
    toplaşmasının, bir-biri ilə ünsiyyətdə olmasının qarşısı alındı. Artıq indi
    payız fəslidir. Təbiətdə iqlim dəyişkənliyi prosesi baş verir. Hələ bir
    neçə ay əvvəl dünyada, eləcə də ölkəmizdə payız-qış aylarında
    koronavirusun növbəti dalğasının olacağı kimi fikirlər səsləndirilirdi.
    Xəstəliyin ikinci dalğasının - sentyabr-noyabr ayları ərzində meydana
    gələcək dalğasının indikindən daha riskli olacağı iddiaları da
    mövcuddur. Mütəxəssislərin qənaətinə görə, oktyabr ayında
    koronavirusun ikinci dalğasının yaranması ilə bağlı müxtəlif elmi
    mülahizələr var. Belə ki, insanlar da adətən payız aylarında qrip virusi
    və digər mövsümi xəstəliklər aktivləşir. Bu da COVID-19 simptomlarına
    oxşardır.
    Dünyada COVID-19 pandemiyasının yenidən alovlanması ilə bağlı
    faktlar qeydə alınır. Sərt karantin rejimlərini ləgv edən ölkələr hazırda
    xəstəliyin geniş yayılması səbəbindən yenidən məhdudiyyətlər tətbiq
    etməyə başlayırlar. Alabama Universitetinin İnfeksion Xəstəliklər
    Departamentinin direktoru Coanna Marazzonun sözlərinə görə,
    yoluxma sayının artmasına səbəb insanların epidemiya ilə bağlı
    məhdudiyyətlərdən bezməsidir. Departament rəhbəri virusun fəaliyyəti,
    yayılma qabiliyyəti barədə saxta və ziddiyyətli mesajların da yoluxma
    sayının artmasında böyük rol oynadığını qeyd edib.
    Digər ölkələrlə müqayisədə Azərbaycanda epidemioloji vəziyyət tam
    nəzarət altındadır, yoluxanlarla sağalanların nisbətindəki müsbət
    dinamika müşahidə olunur. Lakin pandemiya bir qədər geri çəkilsə də,
    ehtiyatı əldən vermək faciəvi nəticələrə yol aça bilər. Sentyabrın birinci
    yarsında məktəblərin açılması, oktyabrın 1-dən uşaq bağçalarının
    fəaliyyətə başlamasının nəzərdə tutulması təhsil və məktəbəqədər
    təhsil müəssisələrində sanitar-epidemioloji vəziyyətə həssas yanaşma
    tələb edir.
    Mütəxəssislər hesab edirlər ki, indiyə qədər ölkəmizdə həyata keçirilən
    pandemiya ilə bağlı mübarizə tədbirləri davam etdirilməlidir. Qaydalara
    nə qədər əməl olunarsa, bir o qədər sağlamlığımızı və təhlükəsizliyimizi
    etibarlı təmin edə bilərik. İndi başlıca məqsəd son aylar pandemiya ilə
    mübarizədə əldə olunmuş nəticələri və müsbət dinamikanı qoruyub
    saxlamaqdır. Bunun üçün heç kim arxayınlaşmamalıdır və nəzərə almaq
    lazımdır ki, yumşaldılmış karantin şərtləri təhlükənin artıq ardan
    qalxması anlamına gəlmir.
    COVID-19 virusunun da payız aylarında təhlükəsinin qarşısını almaq
    üçün mütəxəssislərin fikrincə, bu istiqamətdə mövcud tövsiyələrə əməl
    olunmalı və həftənin şənbə və bazar günlərində ictimai nəqliyyat
    dayandırılması davam etməlidir. Eləcə də koronavirus pandemiyasına
    qarşı mübarizədə qayda-qanunlara düzgün əməl olunması günümüzün
    ən vacib tələblərdən olmalıdır. Çünki sosial məsuliyyət hiss etmədən də
    əldə olunan nailiyyətə çatmaq olmaz. Ölkəmizdə pandemiya nə qədər
    nəzarət altına alınarsa, payız və qış mövsümlərində bir o qədər də
    yoluxma dalğası ilə az üzləşərik.
    Burada iş yerlərində sanitar-epidemioloji qaydalara riayət məsələsi də
    çox önəmlidir. Həmin qaydalara əməl edilsə, pandemiyanın
    güclənməsinin qarşısını ala bilərik.Hər kəs bilməlidir ki, əldə olunmuş
    müsbət dinamika itiriləcəyi və koronavirusa yoluxmanın miqyası
    genişlənəcəyi təqdirdə, yeni məhdudiyyətlərin tətbiqi qaçılmaz olacaq.
    Hamımız yaxşı bilirik ki, bu gün üçün yeganə etibarlı qorunma üsulu
    olan üç əsas amilə - maska taxmağa, sosial məsafə saxlamağa və
    gigiyena qaydalarına əməl etmək lazımdır. Arzu edirik ki, payızdan
    sonra pandemiyanın “ömrünə” şaxtalı-çovğunlu qışın gəlişi birdəfəlik
    son qoysun...

    Nurəddin MUĞANLI


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR