"NATO Zaporojye AES ətrafındakı vəziyyəti diqqətlə və yaxından izləyir".

Azadmedia.az xəbər verir ki, bunu NATO Baş katibi Yens Stoltenberq mətbuat konfransında deyib.

Belə ki, Baş katib Atom Enerjisi üzrə Beynəlxalq Agentliyin AES-dəki vəziyyəti izlədiyini və Agentliyin mütəxəssislərinin orada çalışdığını xatırladaraq deyib ki, NATO bu fəaliyyəti təqdir edir.

Qeyd edək ki, “ Zaporojye AES Avropanın ən böyük AES-dir. Biz AEBA-nın mandatını dəstəkləyirik. AEBA-nın son qiymətləndirməsinə görə, indiki mərhələdə burada hər hansı mina və partlayıcıların olması ilə bağlı göstəricilər qeydə alınmayıb. Onlar eyni zamanda əlavə girişlərin verilməsini istəyiblər. Biz Rusiyanı AES-dən çəkilməyə, Ukraynanın və beynəlxalq ekspertlərin bura tam girişini təmin olunmasına çağırırıq. Vəziyyəti izləməyə davam edəcəyik", deyə Stoltenberq əlavə edib.